Nan 40 pwezi nou te resevwa avan premye desanm 2007 la, te gen 6 ki te vin jwenn nou par e-mail ou byen chemen elektwonik ke nou te aksepte tanporèman paske kandida sa yo te pwomet pou voye orijinal yo par lapòs. [Nou] te resevwa sèlman youn sèl ki te rive avan dat nou te bay la. Lòt 5 yo pa't gen chans pou yo te patisipe kòm retadatè. Nou dwe respekte prensip ki ka fè'n rive kote nou vize a. Mank disiplin tou mennen nou nan kafou tenten. Nou dwe fè ditiians nou pou respekte règleman ak prensip etabli nan tout aktivite kòm patisipan. Nan 35 nou gen nan men nou la a, 10 nan yo te vin jwenn nou an franse e ki gen kèk mo angle ke nou pa ka admèt. Nou te byen presize ke tout pwezi yo dwe ekri an kreyòl. Kandida sa yo elimine pou endisiplin tou. Ya va aprann tou ke disiplin se pi bèl bagay nan lavi nou. Nan 25 nou rete a, 5 nan yo pat ritme ke nou te gen chans rele otè yo pou yo te fè koreksyon nesesè yo. Pami 5 pwezi sa yo, se 2 sèl ki te retounen pou patisipasyon. Nou vin rete avèk 22 kandida ki fè jefò konsiderab nan konkou sa a. Nou fè ti koreksyon pou rann kèk fraz pi bèl san nou pa touche lin yo ak pye yo ki pat gen pwoblèm. Gen anpil kandida ki pa klè nan refleksyon yo ki te bay jij yo anpil pwoblèm pou jwenn vrèman siyifikasyon reyèl la. Kandida sa yo ap fè plis jefò lòt fwa ke y'ap patisipe nan youn lòt konpetisyonJij yo te fè anpil jefò pou yo rive avèk youn rezilta ki pa't blese pensonn.