Orde do 3 de decembro de 2007 pola que se aproban os temarios que rexerán no proceso selectivo para o acceso ao corpo superior de administración da Xunta de Galicia, grupo A, escala superior de finanzas.

A Orde do 27 de decembro de 2004 (DOG nº 252, do 29 de decembro), que rexeu o último proceso selectivo para o acceso á escala superior de finanzas da Xunta de Galicia, grupo A, incorporou nos seus anexos o programa de materias que deberían ser obxecto de estudo.

A Lei 7/2007, do 12 de abril, do Estatuto básico do empregado público dispón, no seu artigo 61.2º, que os procedementos de selección coidarán especialmente a conexión entre o tipo de probas que se deberán superar e a adecuación ao desempeño das tarefas dos postos de traballo convocados, incluindo, de ser o caso, as probas prácticas que sexan precisas.

Co fin de dar a coñecer coa suficiente antelación as modificacións necesarias no programa para futuras convocatorias, esta consellería

DISPÓN:

Aprobar e publicar o programa de materias que rexerán na convocatoria do proceso selectivo para o ingreso no corpo superior da Xunta de Galicia, grupo A, escala superior de finanzas, cuxo contido se incorpora como anexo a esta orde.

Este programa de materias rexerá a partir da oferta de emprego público de 2007.

Santiago de Compostela, 3 de decembro de 2007.

José Luis Méndez Romeu

Conselleiro de Presidencia, Administracións

Públicas e Xustiza

ANEXO

Programa do proceso selectivo para o ingreso no corpo superior da Xunta de Galicia, grupo A, escala superior de finanzas

Parte I

Tema 1. A Unión Europea: obxectivos, natureza e fins. Nacemento e fases da súa evolución. Estado actual do proceso de unificación europea.

Tema 2. Fontes do dereito comunitario. Tipoloxía. Características e efectos. A integración do dereito comunitario en España.

Tema 3. Institucións comunitarias e o seu funcionamento: o Consello, a Comisión, o Parlamento. Os órganos xudiciais da Unión Europea. O Banco Central Europeo.

Tema 4. As competencias da comunidade. Marco de atribucións concedidas polos tratados. O desenvolvemento das competencias comunitarias. Relacións entre competencia comunitaria e competencia nacional. Participación de entes territoriais non estables no proceso decisorio.

Tema 5. As liberdades básicas: libre circulación de mercador...

If you are already a vLex customer, Access Here